Tematike
Zvicër: Kështu ndihmohen bizneset që u detyruan të mbyllen nga pandemia
Kompanitë që janë mbyllur zyrtarisht për të paktën 40 ditë kalendarike që nga 1 nëntori 2020, tani konsiderohen automatikisht "raste të rënda"
Krahas masave kryesore, si mbyllja e dyqaneve, kufizimi i pjesëmarrësve në takimet publike dhe private etj. Këshilli Federal i Zvicrës sot ka marrë edhe një vendim tjetër të rëndësishëm, atë për trajtimin e “rasteve të rënda” në ekonomi.
Fjala është për përpjekjen e mbrojtjes së bizneseve që pësojnë nga aplikimi i masave kundër pandemisë.
Në vazhdim, masat e “rasteve të rënda” që mori sot qeveria
- Në rast të mbylljes së biznesit nuk kërkohet asnjë dëshmi për rënien e shitjes: Ato kompani që janë mbyllur zyrtarisht për të paktën 40 ditë kalendarike që nga 1 nëntori 2020 (në veçanti restorante, bare dhe diskoteka, si dhe bizneset e kohës së lirë dhe argëtuese) tani konsiderohen automatikisht “raste të rënda”. Pra, nuk ka nevojë për të ofruar prova të një rënie prej 40 për qind të shitjeve.
- Marrja parasysh e rënies së shitjes në vitin 2021: Kompanitë që pësojnë rënie të shitjes në periudhën janar – qershor 2021 të shkaktuar nga masat e urdhëruara zyrtarisht për të luftuar epideminë Covid-19 tani, si bazë vlerësimi mund të përdorin shitjet për 12 muajt e fundit në vend të shitjeve vjetore për 2020.
- Shkurtohet ndalimi i dividentave: Ndalimi i pagimit të dividentëae apo honorareve ose ripagimi i kontributeve të kapitalit nga pronarët do të reduktohet në 3 vjet ose derisa të jetë ripaguar ndihma e marrë.
- Lehtësimi administrativ: Kompanitë e mbyllura duhet të sigurojnë më pak dëshmi sesa rastet “normale” të rënda. Kufijtë e sipërm për kontributet e fondeve A-perdu (fonde të humbura) rriten: Kantonet tani mund të japin kontribute deri në shkallën prej 20 për qind të shitjes vjetore (më parë ishte 10 për qind) dhe deri në 750,000 franga për kompani (më parë: 500,000 franga) për të gjitha kompanitë. Kjo duhet të mundësojë që të merren parasysh më mirë kompanitë me kosto fikse të lartë. Një gjë e tillë mund të përdoret gjithashtu për të mbuluar shtrirjen e mundshme të mbylljeve përtej fundit të shkurtit 2021.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Qeveria kërkon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën