Futboll

Hysaj nuk vazhdon me Napolin

E premte, 15 Janar 2021 - 22:00 albinfo.ch

Elseid Hysaj me shumë gjasa do të largohet nga Napoli gjatë verës. Mbrojtësi i krahut të djathtë nuk ka gjetur hapësira në formacionin e trajnerit Gennaro Gatuso dhe është i pakënaqur me situatën e tij tek ekipi italian.

Madje, edhe menaxheri i lojtarit, Mario Xhufredi, ka bërë të ditur se Hysaj nuk do të vazhdojë kontratën me napolitanët, që i skadon në fund të sezonit aktual.

Së fundmi, sipas mediave në Itali, interesim për Hysajn ka shprehur Atletico Madridi.

Madrilenët e shohin Hysajn si zëvendësues të Kieran Trippierit, që është suspenduar për disa javë nga futbolli aktiv.

Hysaj tek Atletico Madridi gjatë verës mund të transferohet si futbollist i lirë.

Këtë sezon 26-vjeçari ka luajtur në nëntë ndeshje, në të gjitha garat.

 Të ngjashme

Kapiteni i Kosovës, kampion në Itali

 Të tjera nga Futboll

“Duhet të transferojmë Granit Xhakën”

 E-Diaspora

 Jeta në Zvicër