Lajme
Biden nënshkruan 10 urdhra ekzekutivë për trajtimin e pandemisë
Politika e Bidenit duket si një strategji kombëtare, ndryshe nga ajo e paraardhësit të tij, Donald Trump, që ua ka lënë shteteve të vendosin se çfarë është më mirë
Presidenti i Shteteve të Bashkuara, Joe Biden, nënshkroi dhjetë urdhra ekzekutivë për forcimin e luftës kundër koronavirusit.
Me urdhrat e rinj, vaksinimi do të përshpejtohet dhe testimi do të rritet.
Legjislacioni i emergjencës do të përdoret për të rritur prodhimin e gjërave themelore, si maskat.
Duke i bërë publike këto masa, Biden tha se do të duhen muaj për të mposhtur pandeminë, por shtoi se Amerika do t’ia dalë, nëse njerëzit bëhen bashkë, raporton Rel, përcjell Albinfo.ch.
Masat e reja vijnë një ditë pasi Biden është inauguruar si presidenti i 46-të i SHBA-së.
Politika e Bidenit duket si një strategji kombëtare, ndryshe nga ajo e paraardhësit të tij, Donald Trump, që ua ka lënë shteteve të vendosin se çfarë është më mirë.
Administrata Trump është kritikuar gjerësisht për dështim në kontrollimin e pandemisë.
Shtetet e Bashkuara janë vendi më i goditur në botë nga koronavirusi.
Afro 24.5 milionë njerëz atje janë infektuar, ndërsa mbi 406,000 kanë vdekur.
Edhe pse urdhrat ekzekutivë nuk kërkojnë miratimin e Kongresit, shumica e fondeve për masat e planifikuara përfshihen në një paketë stimuluese prej 1.9 trilion dollarësh, që Biden ka shpallur javën e kaluar.
Biden do të ketë nevojë për bashkëpunim nga Senati dhe Dhoma e Përfaqësuesve për miratimin e paketës masive.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Këshilli Federal dëshiron të lehtësojë barrën mbi personelin infermieror, më pak orë pune Ministrja e Brendshme, Elisabeth Baume-Schneider, prezantoi të mërkurën ligjin e ri federal për kushtet e punës...
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën
-
Gaza: Zviceranët caktojnë afro 11 milionë franga për UNRWA