Hoti mesazh diasporës: Votoni LDK-në për stabilitet politik

Kandidati për kryeministër nga Lidhja Demokratike e Kosovës, Avdullah Hoti ka dal me një mesazh para votuesve në diasporë, duke u kërkuar atyre që të shfrytëzojnë të drejtën e votës, raporton Albinfo.ch.

“Tashmë për ju aplikimi për regjistrim për votim ka përfunduar, prandaj ju bëj thirrje që të kontriboni me votën tuaj përmes tē cilës ju mbani lidhjen me atdheun. Zgjedhjet do te mbahen. Megjithatë procesi i vështirë na pret përpara për zgjedhjen e Qeverisë dhe presidentit të vendit. Prandaj ju bëj thirrje që së bashku të prodhojmë stabilitet politik duke votuar LDK-në dhe përfaqesuesit e juaj ne listën tonë”, ka thënë Hoti.

Sipas Hotit, LDK është e gatshme për këto zgjedhje, shkruan tutje Albinfo.ch.

“Shteti shtet është primar për ne sepse Republika e Kosovës është arritja më e madhe shekullore e popullit shqiptar”, theksoi Hoti.

Mesazhi i plotë:

https://www.facebook.com/avdullah.hoti/videos/172275050994460/