Temperatura pranverore në Zvicër, kjo javë deri në 20 gradë

Gjatë kësaj jave Zvicra do të karakterizohet me mot stabil dhe me diell

Këtë javë në Zvicër pritet të mbajë mot tipik pranveror.

Meteorologët zviceranë parashikojnë se temperaturat maksimale do të shkojnë deri në 20 gradë këtë javë dhe në përgjithësi moti do të jetë me diell, transmeton albinfo.ch.

“Pas kalimit të frontit të ftohtë në javët e kaluara, gjatë kësaj jave në vijim masa të ngrohta ajrore nga Mesdheu do të fillojnë të shtrihen mbi rajon, duke sjellë mot tipik pranveror dhe rritje të temperaturave, që deri ditën e enjte dhe të premte do të arrijnë deri në 19C, në disa kantone me mundësi edhe deri në 20C”, thuhet në Institutin e Meteorologjik Zviceran.

Sa u përket fushave termike, ato do të pësojnë rritje graduale në vlerat e maksimaleve, ndërsa minimalet do të mbeten rreth vlerave të zeros, shkruan albinfo.ch.

Nuk parashihet të ketë reshje të asnjë forme, të paktën për këto pesë ditë të parashikimit.

Dita e hënë do t’i shënojë vlerat e temperaturave deri në 16 gradë celsues, ndërsa dita e enjete dhe premte paraqiten si ditët më të nxehta të javës. Do të fryjë erë nga veriu dhe verilindja me shpejtësi të ulët 1-5m/s.

/Albinfo.ch

 

---