Lumir Abdixhiku konfirmon kandidaturën për kryetar të LDK-së

Ish-minisri i LDK-së në Qeverinë ‘Kurti 1’, Lumir Abdixhiku, ka njoftuar se do të jetë kandidat për kryetar të Lidhjes Demokratike të Kosovës.

Ai përmes një postimi në rrjetet sociale theksoi se LDK-së i duhet një proces demokratik për të mbajtur një standard të lartë politik.

“Të dielën, më 14 mars, do të kandidoj për kryetar të Lidhjes Demokratike të Kosovës. Nuk do të ketë marrëveshje; s’duhet të ketë! Do të ketë garë dhe garë të drejtë e me votë të fshehtë. Le të vendoset lirë. Veç LDK mund ta bëjë një gjë të tillë! Natyrisht se ka të tillë që – përkundër rezultatit të tanishëm – vazhdojnë të insistojnë në mosndryshim dhe se çdo ndryshim e refuzojnë ekzistencialisht”, shkruan Abdixhiku.