Facebook u bën thirrje partive shqiptare të jenë transparente në reklamat e tyre

Ilustrim

Facebooku ka thënë se partitë politike të Shqipërisë duhet të jenë transparente për mënyrën se si i financojnë reklamat politike në llogaritë e tyre para zgjedhjeve.

Në një deklaratë të Facebookut thuhet se duke filluar nga e enjtja “të gjitha reklamat politike dhe elektorale në Shqipëri duhet të vijnë nga reklamues të autorizuar”, si dhe të përfshijnë në to nga kush janë sponsorizuar. Ato duhet të jenë të autorizuara në vend, shkruan AP.

Shqipëria mban zgjedhjet parlamentare më 25 prill. Për shkak të pandemisë, fushata zgjedhore ka mundësi të mbahet më shumë në rrjetet sociale.

Shqipëria ka masa strikte kundër COVID-19, përfshirë kufizimin gjatë natës, detyrimin e mbajtjes së maskës dhe ndalimin e grumbullimeve të më shumë se 10 njerëzve.