Sulm me armë në SHBA, 8 të vrarë në 3 qendra masazhi në Atlanta

@pixabay

Mediat amerikane shkruajnë se tetë persona kanë mbetur të vrarë, mes tyre gjashtë gra aziatike dhe një tjetër i plagosur, si pasoje e disa sulmeve me armë të ndodhura në 3 qendrat e masazhit në Atalanta, transmeton albinfo.ch.

Po ashtu raportohet se policia ka arrestuar personin që dyshohej se ishte autori i tri sulmeve. Ai është 21-vjeçari Robert Long, i cili ndodhet në paraburgim.

“Pamjet në video tregojnë se ka shumë të ngjarë që i njëjti person të jetë përgjegjës për tri sulmet vdekjeprurëse të martën në qendrat e masazhit në zonën e metrosë në Atlanta, në Xhorxha”, tha policia të martën. Akoma nuk ka të dhëna rreth motiveve të sulmit.

Dy nga të sulmet ndodhën në dy qendra masazhi në verilindje të Atlantës dhe tjetri ndodhi rreth 30 milje larg në Cherokee County, në veriperëndim të qytetit.