Lajme
Disa vende evropiane rinisin vaksinimet me AstraZeneca
Disa vende europiane njoftuan sot se do të rinisnin vaksinimet me vaksinën antiCOVID-19 AstraZeneca, pasi Agjencia Europiane e Barnave (EMA) e konsideroi atë “të sigurt dhe efektive”.
Franca, Italia, Letonia dhe Bullgaria njoftuan se ka të ngjarë t’i rinisin vaksinimet me AstraZeneca nesër, pas këshillës së EMA-s.
Spanja thuhet se do të ndjekë shembullin e tyre, duke rifilluar javën tjetër, të mërkurën, sipas gazetës “El Pais”.
Në një përpjekje për të forcuar besimin e dëmtuar të publikut ndaj vaksinës, kryeministri francez Jean Castex njoftoi se ai vetë do të vaksinohet me AstraZeneca nesër.
Sipas ministrit gjerman të Shëndetësisë, Jens Spahn, Gjermania synon të rifillojë vaksinimin duke përdorur vaksinën AstraZeneca, gjithashtu, nesër.
Raportet në lidhje me mpiksjen e gjakut në disa vende i shtynë qeveritë në të gjithë botën të ndalojnë vaksinimet me AstraZeneca, që ngadalësoi fushatat tashmë të ngadalta të vaksinimit në Bashkimin Europian.
Agjencia Europiane e Barnave (EMA) e konsideron përdorimin e vaksinës antiCOVID-19 “AstraZeneca” të sigurt, pavarësisht raporteve në lidhje me mpiksjet e gjakut.
”Mbërritëm në një konkluzion të qartë shkencor. AstraZeneca është një vaksinë e sigurtë dhe efektive”, tha EMA.
“Përfitimet janë shumë herë më të mëdha se sa risqet. Vaksina nuk shoqërohet me një rritje të rrezikut të përgjithshëm të ngjarjeve tromboembolike ose mpiksjes së gjakut”, theksoi ajo.
“Provat në botën reale, sugjerojnë që vaksina ka një efektshmëri edhe më të lartë se sa ajo e treguar gjatë testeve”, përfundon EMA
Të tjera nga Lajme
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll