Zaev: Ata që nuk kanë shtetësi maqedonase, nuk mund të regjistrohen

Keystone

Kryeministri, Zoran Zaev sot pas takimit me liderin e VMRO-DPMNE-së opozitare ka njoftuar se është arritur marrëveshje për shtyrjen e procesit të regjistrimit për në muajin shtator. Zaev ka komentuar edhe personat pa shtetësi në vendin tonë, duke thënë se përfshirja e tyre në procesin e regjistrimit është e pamundur.

“Unë nuk besoj që dikush mund ta parandalojë këtë regjistrim, por nuk është i vlefshëm, sepse ne në bazën e të dhënave kemi njerëzit që kanë shtetësi maqedonase. Në regjistrimin në Maqedoninë e Veriut regjistrohen të gjithë qytetarët që janë shtetas. Kjo do të thotë që kushdo që nuk ka shtetësi, nuk mund të regjistrohet. Kjo do të thotë që ndonjë amerikan, as një zviceran, as një gjerman, nuk mund të regjistrohen sepse nuk kanë shtetësi”, tha mes tjerash Zaev, duke shtuar se edhe nëse dikush nga personat pa shtetësi tenton të regjistrohet, i njëjti do të merret si i pavlefshëm, transmeton Alsat, përcjell Albinfo.ch.