Shtyhet regjistrimi i diasporës për në shtator

Regjistrimi është shtyrë për në shtator. Kështu u vendos nga Kuvendi i Maqedonisë Veriore

Pas debatit dyditor, Kuvendi i Maqedonisë Veriore me 95 vota “Për” dhe 12 “Kundër” dhe me 26 vota ‘Për” dhe 12 “kundër” në votimin e bashkësive etnike joshumicë, ka miratuar Ligjin për anulimin e regjistrimit për shkak të pandemisë.

Pas një debati të ashpër disaorësh mes deputetëve të Opozitës Shqiptare dhe atyre të pushtetit BDI-LSDM-Besa dhe VMRO-së opozitare, deputetët votuan që regjistrimi të shtyhet, për në Shtator, raportojnë mediat shqiptare, përcjell albinfo.ch.

Më pas, deputetët, pas koordinimit tek Kryeparlamentari Talat Xhaferi, votuan edhe për ndryshimet e Kodit Zgjedhor, ku parashihet përdorimi I terminaleve për shenjat e gishtërinjve në Zgjedhjet Lokale, që gjithashtu u anuluan për gjysmën e dytë të Tetorit.

Ndryshimet e këtij ligji u miratuan me 95 vota “për” asnjë “kundër” e “të përmbajtur”.

---