Lajme
Merr fund izolimi 3-ditor në Itali
Përfundon izolimi treditor kombëtar në Itali, i vendosur për të mbajtur nën kontroll situatën epidemiologjike gjatë festës së Pashkës.
Megjithatë lehtësimi i masave nuk vijon njësoj në të gjitha rajonet, të cilat përcaktohen me dy ngjyra, të kuqe dhe portokalli në varësi të rrezikshmërisë nga virusi.
Dhjetë rajone, mes të cilave Veneto, Lazio, Sicilia, Molise, Liguria, Umbria dhe provincat autonome të Trentos dhe Bolzano rikthehen me ngjyrë portokalli, ndërsa nëntë rajonet, sikundër Lombardia, Toskana, Emilia Romagna, Kalabria, Piemonte, Puglia etj., do të vijojnë të jenë zona të kuqe. Në rajonet që cilësohen me ngjyrë portokalli lejohet dalja, por jo zhvendosja në të tjera komuna.
Rihapen shkollat duke respektuar distancën fizike, por autoritetet mund të vendosin në çdo rast të kalojnë në mësim në distancë. Baret, restorantet, kinematë janë të mbyllura. Në zonat me ngjyrë portokalli, rënia e të infektuarve ka bërë të mundur rihapjen e disa aktiviteteve jothelbësore, sikundër parukeritë apo qendrat estetike.
Në zonat e kuqe nuk është e lejuar lëvizja, vetëm për raste urgjente, shkollat e universitetet janë të mbyllura, dyqanet, baret restorantet po ashtu, lejohet vetëm shërbimi me dërgesa.
Në të njëjtën kohë do të vijojnë të mbeten në fuqi deri në fund të muajit masat kufizuese për të gjithë udhëtarët që vijnë nga jashtë kufijve. Për ata që mbërrijnë në Itali, Ministri i Shëndetësisë Roberto Speranza ka urdhëruar një karantinë prej të paktën pesë ditësh, shoqëruar me një tampon të dyfishtë, para mbërritjes dhe pas.
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Zvicër
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special
-
Ja sa janë rritur fitimet e shefave të sigurimeve shëndetësore në Zvicër