Situata me pandeminë në Gjermani, shumë serioze

(KEYSTONE/AP Photo/Jens Meyer)

Situata e COVID-19 në Gjermani mbetet shumë serioze, sipas Institutit Kombëtar për Kontrollin e Sëmundjes “Robert Koch” (RKI), që regjistroi sot numra të lartë të infektimeve.

Në 24 orët e fundit, RKI raportoi 17 855 raste të reja dhe 104 vdekje, raporton Dpa, përcjell Albinfo.ch.

“E ashtuquajtura shkallë e incidencës së infeksioneve për 100 000 banorë në shtatë ditë u rrit në 129,2 nga 127 një javë më parë”, tha RKI.

Sipas të dhënave nga 70 spitale në të gjithë vendin, gjithnjë e më shumë të rinj po shtrohen në spital me infeksione në frymëmarrje dhe njësitë e kujdesit intensiv po mbushen me shpejtësi.