Lajme
Restaurimi i katedrales Notre Dame pritet të jetë gati më 2024
Dy vjet pasi flakët pushtuan simbolin e Parisit, katedralen Notre Dame, ndërtesa sot duket më e sigurt dhe jashtë rrezikut, por ende e papërfunduar. Agjencia e cila po merret me restaurimin e saj siguron se monumenti shumë shpejt do të jetë gati për publikun.
Ekspertët janë ende duke punuar me pjesën më të lartë të katedrales, e cila gjatë zjarrit ra nëpër ndërtesë.
Prova gjigante të formuara që të përshtaten mirë në kupolat e dëmtuara po vendoseshin javën e kaluar. Të tjerë punëtorë po shtrinin një ‘ombrellë’ mbrojtëse mbi hapjen e madhe të majës së katedrales për ta mbrojtur nga kushtet e motit.
Sigurimi i katedrales ka qenë një hap i parë i domosdoshëm, por i kushtueshëm, i vlerësuar në 160 milionë €. Ai përfshinte heqjen e dritareve të qelqit, kontrollimin e statujave, heqjen e rrënojave dhe instalimin e rrjetave mbrojtëse.
Katedralja, një pikë referimi e arkitekturës gotike dhe një atraksion i madh turistik, mori flakë më 15 prill 2019. Zjarri shkatërroi çatinë, pjesën fundore të godinës, transmeton Euronews, përcjell Albinfo.ch.
Presidenti francez, Emmanuel Macron, mori përsipër të restaurojë katedralen brenda pesë vjetëve. Por, deri më sot, shumica e punimeve janë përqendruar në bërjen e ndërtesës të sigurt, duke përfshirë pastrimin e plumbit toksik nga çatia dhe spiralja që u shkri në zjarr.
Agjencia publike e ngarkuar me restaurimin tha se faza e sigurimit duhet të zgjasë deri në verë. Data e përfundimit për restaurimin dhe rihapjen e katedrales është vendosur për në vitin 2024.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen