Shqipëri: Papunësia me 11.7%, burrat dominojnë tregun

Edhe pse në një vit krize, ku pandemia ndikoi negativisht në ekonomi, norma e papunësisë në vendin tonë u regjistrua në 11.7 % ose 0.2% më e lartë se në vitin 2019, shkruajnë mediat shqiptare.

Të dhënat e tregut të punës tregojnë se numri i të papunëve u fiksua në 164.613 persona, nga 1.407.958 individë të moshës 15-64 vjeç.

Individë të papunë	164.613
Të punësuar	1.243.345

 

Viti	2019	2020
Gra	44.4 %	44.5  %
Burra	56.6 %	55.5 %

Sektori i shërbimeve dhe bujqësia kanë përqindjen më të lartë të të punësuarve me 79.5 % të volumit, ndjekur nga industria me 20.5 %.

Shërbime	43.4 %
Bujqësi	36.1%
Industri	20.5%

Në vitin 2020, rezulton se 46.1 % e të punësuarve marrin paga fikse, 33.3 % janë të vetëpunësuar dhe 20.6 % janë punëtorë pa pagesë në biznesin e familjes.

Të punësuar me pagë familjarë	46.1 %
Të vetëpunësuar	33.3  %
Puntorë në biznes	20.6%

Sipas rajoneve, qarqet me shkallë më të lartë punësimi ishin Gjirokastra dhe Korça, ndërsa zonat me shkallë më të ulët ishin Lezha dhe Dibra.

Gjirokastra	69.0 %
Korça	61.1 %
Dibra	44.7 %
Lezha	33.7 %

Gjatë vitit që lamë pas, paga mesatare bruto u rrit me 2.4 %, në krahasim me 2019-n.

2019	52.380 lekë
2020	53.662 lekë

Punonjës në aktivitete financiare, administratë publike, arsim dhe shëndetësi kanë përfituar rroga mbi nivelin mesatar, ndërsa e kundërta është regjistruar në sektorë si bujqësia, peshkimi, magazinimi, akomodimi dhe shërbimi ushqimor. Edhe në këtë aspekt hendeku gjinor u shënua me 6.6% në favor të burrave. Krahasuar me vitin 2019 vihet re një ulje e numrit të personave që paguhen me pagë minimale, sikundër ka edhe rritje në fashën e pagave mbi 120 mijë lekë.

	2019	2020
Deri në 26.000 lekë	27.9%	26.2%
Mbi 120.000 lekë	4.4%	4.7%

 

---