Shkurt.ch
Prej sot, Gjermania hap kufijtë për “shopping turistët” nga Zvicra
Nuk ka më asnjë kufizim në rregullin 24-orësh. Përveç heqjes së detyrimit të karantinës nuk kërkohet më as test negativ i koronës për hyrjen në Gjermani
Duke filluar nga sot, 13 maj, hyn në fuqi një lehtësim i madh në trafikun kufitar me Gjermaninë. Ky shtet ka zbutur kriteret e hyrjes, me efekt të menjëhershëm: turizmi ditor dhe ai për blerje lejohen përsëri, shkruan gazeta gjermane e Baden Württemberg-ut, “Südkurier”.
Qëndrimi në zonën afër kufirit është tani i mundshëm për 24 orë, pa kufizime.
Nga e enjtja, 13 maj, njerëzit edhe nga “zonat e rrezikut”, ku llogaritet edhe Zvicra, do të kenë mundësi të hyjnë në Gjermani për 24 orë, pa ju nënshtruar karantinës, transmeton albinfo.ch. Arsyeja e udhëtimit nuk ka rëndësi.
Deri më tani, qytetarët zviceranë nuk janë lejuar të udhëtojnë në Gjermani për arsye turistike ose për “shopping”.
Siç raporton “Südkurier”, nuk ka më asnjë kufizim në rregullin 24-orësh, transmeton albinfo.ch. Gjithashtu, krahas heqjes së detyrimit të karantinës nuk kërkohet më as testi negativ i koronës për hyrjen në Gjermani.
Zvicra gjithashtu do të përfitojë nga kjo risi, pasi udhëtimet ditore për njerëzit nga Gjermania janë përsëri të mundshme edhe në drejtim të kundërt – për shembull për një udhëtim ditor, ose një vizitë në restorant.
Zvicra vazhdon të konsiderojë njësitë federale gjermane si Saksonia dhe Thuringeni si zona me rrezik. Kushdo që hyn nga atje, mes të tjerash, duhet të vendoset në karantinë.
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Numri i punëtorëve ndërkufitarë në Zvicër është rritur Në fund të marsit, në Zvicër ishin rreth 400,000 mbajtës të lejeve G të punësuar –...
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?