Neuchâtel: Një e katërta e nxënësve të një shkolle infektohen me Covid-19

37 nxënës dhe pesë mësues në një nga tri shkollat ​​fillore në qytet ishin infektuar me Covid-19

Në një shkollë fillore në Fleurier të kantonit Neuchâtel, rreth një e katërta e nxënësve janë infektuar kohët e fundit me koronavirus.

Këtë e tregojnë rezultatet e testeve dhe një test masiv i realizuar të mërkurën e kaluar, raporton sda.ch.

37 nxënës dhe pesë mësues në një nga tri shkollat ​​fillore në qytetin Fleurier ishin infektuar me Covid-19, është njoftuar nga kantoni Neuchâtel të shtunën, transmeton albinfo.ch. Kjo korrespondonte me rreth 23 për qind të të gjithë nxënësve në shkollën në fjalë.

Vetëm testimi i bërë të mërkurën ka zbuluar 19 raste infektimi. Pas kësaj, nxënësit e të gjitha klasave janë vënë në karantinë.

Një testim i dytë masiv do të kryhet të martën për ata që kanë rezultuar negativ por që megjithatë janë futur në karantinë si dhe për familjarët e tyre, përcjell albinfo.ch. Shkolla do të mbetet në karantinë deri të martën e javës tjetër.

---