BAG raporton 2650 infeksione të reja gjatë 3 ditëve të fundit

Janë shënuar 8 raste të reja të vdekjeve gjatë 72 orëve të fundit Mesatarja 7 ditore është 3 të vdekur. Kjo është 48 për qind më pak se në javën e kaluar

Zyra Federale e Shëndetit Publik (BAG) ka raportuar 2,650 raste të reja këtë pasdite që kishin rezultuar pozitive për virusin corona në tri ditët e fundit, gjegjësisht gjatë ditëve të uikendit.

Kjo e vë mesataren e 7 ditëve të fundit në 1126 raste në ditë ose 24 për qind më pak se në javën e kaluar. Incidenca 14-ditore aktualisht është 206.55, raporton srf.ch.

Shkalla mesatare 7 ditore e pozitivitetit aktualisht është 5.2 për qind, që krahasuar me javën e kaluar është për 2 pikë përqindjeje më e ulët.

Numri i testimeve të bëra në një mesatare 7-ditore është 26,032 teste në ditë ose për 3 për qind më shumë në krahasim me javën e mëparshme.

BAG raporton 8 raste të reja të vdekjeve gjatë 72 orëve të fundit, transmeton albinfo.ch. Mesatarja 7 ditore është 3 të vdekur. Kjo është 48 për qind më pak se në javën e kaluar.

Aktualisht BAG raporton 723 persona të cilët janë duke u trajtuar në spitale për Covid-19. Kjo është 17 për qind më pak se në javën e kaluar.

Shtretërit e kujdesit intensiv të certifikuar në spitalet zvicerane janë aktualisht të zënë në masën 80.0 për qind. Ndërsa, përfshirë edhe shtretërit ad-hoc, niveli i shfrytëzimit është 72.0 për qind, përcjell albinfo.ch. Nga këta, 23 për qind janë të zënë nga të sëmurët nga Covid 19.

---