Teleferikët zviceranë, ndër më të sigurtit në botë

pixabay

Pas një aksidenti tragjik në teleferik në malet italiane të dielën e kaluar që la 14 persona të vdekur dhe një fëmijë të vogël në gjendje kritike, operatorët zviceranë të ashensorëve thanë se një aksident i ngjashëm nuk ka të ngjarë të ndodhë në Zvicër, transmeton albinfo.ch.

Ekspertët vlerësojnë se teleferikët në Zvicër janë shumë të sigurt dhe kontrollohen shumë shpesh gjendja e tyre.

“Aksidente të tilla janë të vështira të imagjinohen në Zvicër”, tha për Gazetën Blick Berno Stoffel, presidenti i Shoqatës Zvicerane të Skijatorëve.

“Të gjithë teleferikët inspektohen rregullisht, si nga brenda kompanitë, ashtu edhe nga Zyra Federale e Transportit. Thyerja e një kablli është pothuajse e paimagjinueshme”, tha ai, me këtë vlerësohet se janë ndër më të sigurtit në botë.

Lidhur me inspektimet në infrastrukturë, Stoffel theksoi se “të gjitha kabllot e pezullimit dhe tërheqjes rregullisht rrezatohen me rreze x. Pastaj ka një raport të saktë të statusit, dhe çdo çështje analizohet në detaje”. /Albinfo.ch