Flamuri i Kosovës ngritet në Kuvajt përkrah flamurit amerikan

Ai u ngrit sot nga ushtarët e Forcës së Sigurisë së Kosovës në kampin ku kjo forcë ka nisur misionin e parë paqeruajtës në botë

Flamuri i Kosovës nga sot valon edhe në Kuvajt përkrah flamurit të vendit mik të shqiptarëve, SHBA-së.

Ai u ngrit sot nga ushtarët e Forcës së Sigurisë së Kosovës në kampin ku kjo forcë ka nisur misionin e parë paqeruajtës në botë, si pjesë e koalicionit Forca e Përbashkët e Kombinuar (Inherent Resolve).

“Kosova është e përkushtuar për paqe dhe siguri në mbarë botën. FSK-ja falënderon Ushtrinë e Shteteve të Bashkuara të Amerikës dhe Gardën Kombëtare të IOWA-s për dislokimin e përbashkët”, thuhet në njoftimin e FSK-së, përcjell Albinfo.ch

---