Rreth 4 milionë viktima nga Covid-19 në botë

Kështu bëhet e ditur në faqen botërore të statistikave, worldometers.info

Edhe pse ka filluar vaksinimi kundër Covid-19, shumë shtete po vazhdojnë të regjistrojnë edhe më tej viktima e raste të reja të infektuara me këtë virus. Rreth 4 milionë persona vlerësohet se kanë vdekur deri tani si pasojë e këtij virusi.

3 milion e 989 mijë e 966 persona raportohet se kanë vdekur si pasojë e Covid-19 në botë.

Sipas faqes botërore të statistikave, worldometers.info, 184 milionë e 416 mijë e 587 janë infektuar me koronavirus, ndërsa 168 milionë e 742 mijë e 97 persona janë shëruar nga ai.

Amerika prinë me numrin më të madh të rasteve të infektuara me gjithsej 34 milionë e 588 mijë e 360 raste dhe 621 mijë e 257 viktima.

Pastaj India me 30 milionë e 571 mijë e 431 raste të infektuara dhe 402 mijë e 359 viktima.

I treti radhitet Brazili me 18 milionë e 742 mijë e 25 raste të infektuara dhe 523 mijë e 699 viktima.

 

---