BE pranoi Certifikatën Zvicerane COVID

Certifikatat që përdoren për të dokumentuar një vaksinim, sëmundje ose një rezultat negativ të testit njihen reciprokisht nga BE dhe Zvicra

Certifikatat Zvicerane COVID do të pranohen në të ardhmen në BE nën të njëjtat kushte si certifikata dixhitale COVID në vetë shtetet e BE-së, raporton sda.ch.

Vendimi që është marrë sot nga Komisioni i BE do të hyjë në fuqi nesër, më 9 korrik, transmeton albinfo.ch. Në të njëjtën kohë, Zvicra ka rënë dakord të pranojë certifikatën dixhitale të BE-së COVID për udhëtimet nga BE në Zvicër.

Marrëveshja për lëvizjen e lirë të personave midis BE dhe Zvicrës nuk përmban ndonjë mekanizëm për miratimin e akteve ligjore të Bashkimit Evropian. Prandaj Komisionit të përmendur i është dashur të merrte një vendim të veçantë (PDF) në mënyrë që çertifikatat Zvicerane COVID të njiheshin në BE.

Certifikata Covid dokumenton vaksinimin për Covid 19, ndonjë sëmundje të mëparshme ose rezultatin negativ të testit.

Liria e lehtësuar e lëvizjes

Komisioneri i Drejtësisë i BE Didier Reynders ka mirëpritur faktin që autoritetet zvicerane kanë vendosur të fusin një sistem të bazuar në certifikatën dixhitale të BE-së COVID, përcjell albinfo.ch. Kjo do të thotë që certifikata jo vetëm që do të lehtësojë lirinë e lëvizjes brenda BE-së, por edhe midis BE-së dhe Zvicrës.

Shtetasit zviceranë, shtetasit e BE-së dhe shtetasit e vendeve të treta që  banojnë legalisht në Zvicër mund të mbajnë një certifikatë zvicerane.

---