Njoftim për aplikim

Për inkuadrimin e mësueseve të rinj në procesin e mësimdhënies të gjuhës shqipe

Të nderuar kolegë/e,

Nisur nga fakti i kërkesave në rritje për hapjen e klasave të reja për mësimin e gjuhës shqipe në Konfederatën Zvicerane, “Shkolla Shqipe” në Zvicër shpall konkurs për mësues/e, në këto kantone: Baselland, Schwyz, Zug, Thurgau, Solothurn, Glarus, Schaffhausen, Appenzel, Tessin dhe Cyrih. Tek ky i fundit do të hapen me dhjetëra klasa të reja.

1. Kriteret që duhen t’i plotësojnë kandidatët:
2. a) Të posedojnë lejen e qëndrimit vjetor në Zvicër,
3. b) Të kenë njohuri elementare në gjuhën gjermane,
4. c) Të jenë të diplomuar në fushën e mësuesisë në institucionet arsimore. Përparësi kanë mësuesit e diplomuar në degët gjuhë shqipe dhe letërsi, parashkollor, arsim fillor, pedagogji, histori, gjeografi, muzikë dhe arte të kulturës shqiptare.
5. Dokumentacioni që duhet të dorëzojnë kandidatët:

• Kërkesa për aplikim (shtojca bashkëlidhur)
• Jetëshkrimi (CV – Curriculum Vitae) shoqëruar me një fotografi
• Diploma (Kopje)
• Vërtetimet e përvojës së punës
• Lejeqëndrimi në Zvicër
• Certifikatat për kurset e ndjekura (Nëse e posedon një të tillë)

3. Aplikimi dhe dorëzimi i dokumenteve të cituara më sipër do të bëhet:
4. a) Në adresën postare: Oberlandstrasse70, 8610 Uster, “Shkolla Shqipe” në Zvicër,

Ose të gjitha dokumentet e skanuara në PDF

1. b) Në adresën elektronike (e-mail) të Koordinatorit të “Shkollës Shqipe”: [email protected]
2. Afati i Aplikimit është i hapur nga data 10 korrik deri më 15 gusht 2021

---