Lajme
Studim: Një në katër austriakë mbështesin vaksinimin e detyrueshëm
Studimi tregon se qëndrimet ndaj vaksinimit po ndryshojnë në Austri
Një studim i ri tregon se 24 përqind e njerëzve në Austri janë pro vaksinimit të detyrueshëm për të mbrojtur kundër koronavirusit në Austri, transmeton albinfo.at.
Në të njëjtën kohë, 36 përqind ranë dakord që një bonus financiar për ata që marrin vaksinën, do të ndikoj pozitivisht në rritjen e shkallës së vaksinimit dhe se kjo do të ishte një masë e arsyeshme.
Theksohet se sondazhi u krye nga instituti i hulumtimit të opinionit “UNIQUE Research” për edicionin aktual të revistës “Profil” dhe rezultatet u gjeneruan nga përgjigjet e 800 personave të moshës 16 vjeç e lart, shkruan The local.
Studimi tregon se qëndrimet ndaj vaksinimit po ndryshojnë në Austri pasi vetëm 20 përqind thanë se donin të vaksinoheshin në nëntor 2020.
Sidoqoftë, 61 përqind e të anketuarve ishin kundër vaksinimit të detyrueshëm dhe pesë përqind e mbetur u përgjigjën me “nuk e di”.
Nga ana tjetër, politikanët dhe mjekët po këshillojnë një normë vaksinimi prej 80 përqind të popullsisë për të arritur objektivin në Austri deri në fund të shtatorit 2021.
Aktualisht, 54.69 përqind e njerëzve në Austri kanë marrë dozën e parë të vaksinimit.
Vaksinimi tashmë i detyrueshëm për disa profesione
Në Vjenë, punonjësit e kujdesit shëndetësor dhe social të sapo-punësuar duhet të vaksinohen kundër koronavirusit pasi u bë i detyrueshëm në 27 maj, transmeton tutje albinfo.at.
Shefi i shëndetit në Vjenë Peter Hacker tha se përhapja e variantit delta e kishte detyruar vendimin.
Kur bëhet fjalë për popullatën e përgjithshme, The Local Austria ka raportuar në disa raste se qeveria federale austriake ka konfirmuar se vaksina e koronavirusit do të jetë vullnetare.
Ndërkohë që uebfaqja e qeverisë austriake përjashton vaksinimin e detyrueshëm. /Albinfo.at
Të ngjashme
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in