Sot nisi aplikimi i diasporës për të votuar

Zgjedhjet lokale në Kosovë

Komisioni Qendror i Zgjedhjeve (KQZ) ka njoftuar se sot do të nisë aplikimi për regjistrimin e votuesve jashtë vendit për zgjedhjet lokale, transmeton albinfo.ch.

Kryeshefi i sekretariatit të Komisionit Qendror të Zgjedhjeve, Burim Ahmetaj, tha se: “Operacioni që është duke përgatitur sekretariati është ai përmes postës, kur edhe është periudha e aplikimit për t’u regjistruar si votues nga jashtë vendit. Sekretariati ka identifikuar të gjitha e-mail adresat e të gjithë votuesve që kanë qenë të aprovuara në zgjedhjet e 14 shkurtit. Të njëjtëve do t’u dërgoj e-mail adresë për të konfirmuar a dëshirojnë të marrin pjesë në zgjedhje… Nesër, më 10 korrik, mendojmë të fillojmë në operacionin përmes postës”, tha ai.

Zgjedhjet lokale do të mbahen më 17 tetor 2021. Ndërkaq disa nga partitë tashmë kanë zyrtarizuar disa kandidatë për kryetarë komunash.

E vetmja nga subjektet politike që deri tash nuk ka zyrtarizuar asnjë kandidat është Lëvizja Vetëvendosje.

---