Lajme
BE po shpërndan vaksina për 70% të popullatës së rritur
Von der Leyen: “Këtë fundjavë, do të kemi të shpërndara mjaft vaksina në vendet anëtare, për të vaksinuar plotësisht së paku 70 për qind të popullatës së rritur"
Bashkimi Evropian vazhdon të shpërndajë mjaftueshëm vaksina kundër koronavirusit, në mënyrë që vendet anëtare të vaksinojnë së paku 70 për qind të popullatës së rritur, tha të shtunën presidentja e Komisionit Evropian, Ursula von der Leyen, përcjell albinfo.ch.
BE u bëri thirrje vendeve të BE-së që t’i intensifikojnë fushatat e vaksinimit dhe tha se rreth 500 milionë doza vaksinash do të jenë të shpërndara në gjithë bllokun deri më 11 korrik.
“Këtë fundjavë, ne do të kemi të shpërndara mjaft vaksina në vendet anëtare, për të vaksinuar plotësisht së paku 70 për qind të popullatës së rritur. Deri nesër, rreth 500 milionë doza do të jenë të shpërndara në të gjitha rajonet e Evropës”, tha von der Leyen.
Theksohet se njëzeteshtatë qeveritë e BE-së janë përgjegjëse për administrimin e vaksinave te qytetarët e tyre dhe disa po punojnë shumë më shpejt se të tjerat, por von der Leyen tha se “BE-ja e mbajti fjalën e saj”.
“COVID-19 [sëmundja që e shkakton koronavirusi] nuk është mundur ende. Por, ne jemi të përgatitur t’i vazhdojmë furnizimet me vaksina – gjithashtu kundër varianteve të reja”, tha von der Leyen.
Varianti Delta i koronavirusit është duke shkaktuar rritje të numrit të rasteve në disa vende.
Ky variant, sipas Organizatës Botërore të Shëndetësisë, është më ngjitës se ato të mëparshmet.
Të dhënat e Universitetit Johns Hopkins tregojnë se koronavirusi ka prekur mbi 186 milionë njerëz në gjithë botën.
Prej tyre, mbi 4 milionë kanë vdekur.
Deri më tash, në të gjithë botën janë dhënë mbi 3.3 miliardë vaksina kundër koronavirusit.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in