Kapen 6 shqiptarë që po qëndronin ilegalisht në Gjermani

Për qëndrim të paligjshëm akuzohen të gjithë personat, pesë prej të cilëve janë shtetas të Shqipërisë dhe njëri, shtetas i Kosovës

Gjatë inspektimit të një autobusi të linjave të gjata në pompën e benzinës  dhe zonën e pushimit, në Leipheim të martën në mbrëmje, policët e grupit të kontrollit të kërkimit, zbuluan se  disa të huaj po qëndronin ilegalisht në Gjermani, shkruan za.de

Këtë herë bëhej fjalë për gjithsej gjashtë burra dhe gra, të moshave 24 deri 30 vjeç, transmeton albinfo.ch. Periudha e qëndrimit të paligjshëm e tyre, siç është konstatuar, zgjaste deri në tre vjet.

Akuzat penale për qëndrim të paligjshëm bëhen me këtë rast kundër të gjithë personave, pesë prej të cilëve janë shtetas të Shqipërisë dhe një me shtetësi të Kosovës.

Me përjashtim të një personi të cilit i ishte refuzuar hyrja në BE, të gjithë të tjerët fillimisht kanë hynë në vend legalisht si turistë por më pas kanë qëndruar shumë gjatë, pasi u ka skaduar leja, në Gjermani.

Një grua nga ky grup kërkohej me një urdhër arresti.

Asaj iu desh të paguante në vend një depozitë prej disa qindra eurosh.

Të gjithë udhëtarëve të autobusit ju kërkua të largoheshin menjëherë nga Gjermania.

---