Lajme

Mbahet “1st Swiss Medical Summer School”, në Prishtinë

E hënë, 26 Korrik 2021 - 12:35 albinfo.ch

Sot, më 26.07.2021, po vazhdon të mbahet “Dita e 1-rë e shkollës verore mjekësore Zvicerane – Prishtinë”, e organizuar nga dy mjekë shqiptarë që punojnë në spitalet zvicerane, transmeton albinfo.ch.

“1st Swiss Medical Summer School” ka filluar që nga ora 09:00 dhe është duke vazhduar tutje, në Prishtinë.

Në këtë ngjarje patën rast që të gjithë mjekët kosovarë, përfshirë edhe studentët e rinj, të mësojnë mbi përvojat e profesionit.

Pikat kryesore të ligjërimit që janë duke u zhvilluar, kanë të bëjnë me temat si: Ligj;rata “Infrakti i zemrës”, nga Florim Coculi dhe ligjërata “Gjakderdhje gastrointestinale” e ligjëruar nga Mentor Bilali.

Po ashtu, gjatë kësaj dite do të flitet edhe për “workshop” diskutime për rastet klinike etj.

Dy organizatorët janë Mentor Bilali dhe Florim Cuculi.

Mentor Bilali i emëruar Chefarzt (shef mjekësor) dhe që nga 1 janari 2021 ka marrë përsipër menaxhimin e përgjithshëm mjekësor të qendrës gastroenterologjike dhe endoskopisë në spitalin SRO Langenthal dhe në praktikën Oberaargau AG në Langenthal”. Fjala është për Spitalin Regjional të Oberaargaut, me seli në Langenthal, Kantoni i Bernës.

Kardiologu Florim Cuculi është një emër i njohur në spitalin kantonal të Luzernit në Zvicër, ligjëron edhe si docent privat (associate profesor) në Universitetin e Bazelit.