Kosova
Pas aksidentit në Kroaci, policia paralajmëron kontrollim të autobusëve
Pas aksidentit tragjik që ndodhi në Kroaci, është shtuar vigjilenca tek kompanitë e transportit publik.
Njësia Rajonale e Komunikacionit Rrugor, i ftoi në një takim, kompanitë e transportit publik të udhëtarëve nga rajoni i Ferizajt.
Sipas njoftimit të Policisë, në këtë takim, është diskutuar situata e sigurisë në komunikacion, e cila është vlerësuar të jetë e mbingarkuar nga qarkullimi i automjeteve në rrugë.
Ndërkaq, është paraqitur nevoja urgjente që të merren masa, të nevojshme nga përgjegjësit e kompanive të transportit publik të udhëtarëve, me theks të veçantë, transportit ndërkombëtar për të shtuar kujdesin e tyre.
Gjatë këtij takimi janë dhënë rekomandime, që kompanitë e transportit publik të udhëtarëve, të sigurohen se a kanë caktuar shoferë të autobusëve me përvojë, të sigurohen se këta shoferë janë në gjendje të mirë shëndetësore, bazuar edhe në certifikatat e tyre mjekësore, siç është përcaktuar me ligj.
Po ashtu, të sigurohen se a janë duke i respektuar të gjitha rregullat dhe ligjet e komunikacionit rrugor, edhe sa i përket kohëzgjatjes së drejtimit të autobusit dhe a janë prezent edhe ndihmës shoferët, gjatë transportit në linjat ndërkombëtare, si dhe masat të tjera mbi gjendjen teknike të këtyre automjeteve, është thënë në njoftim.
Palët në takim u dakorduan që të mbahet edhe një takim tjetër gjatë javës edhe me përfaqësues të institucioneve lokale dhe qendrore nga fusha e transportit, përcjell Albinfo.ch.
Sipas zyrtarëve të policisë, do të merren masat adekuate sipas ligjit të komunikacionit rrugor, krejt kjo me qëllim të parandalimit të aksidenteve në komunikacionin rrugor.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve