Lajme
Të vaksinuarit kanë 80 herë më pak rrezik infektimi se sa të pavaksinuarit
Incidenca 14-ditore në këtë periudhë në mesin e të vaksinuarve është 2.6 raste për 100,000 banorë. Tek të pavaksinuarit ajo është 216 në 100 mijë banorë
Sipas një raporti nga RTS (Televizioni Zvicrës Frankofone) njerëzit që janë vaksinuar plotësisht aktualisht kanë një rrezik 80 herë më të ulët për t’u infektuar me Covid. Kjo tregohet nga të dhënat e fushatës së vaksinimit në Vaud, të disponueshme për televizionin në fjalë.
Shifrat tregojnë ndryshimin sa i përket rrezikut të infektimit midis njerëzve të vaksinuar plotësisht dhe atyre të pavaksinuar.
Sipas të dhënave të mbledhura nga “Unisanté Lausanne” me autorizimin e mjekut të Kantonit të Vaudit 1,030 raste të reja të koronës janë regjistruan në këtë kanton në dy javët e fundit të korrikut, transmeton albinfo.ch. Vetëm 9 nga ata që rezultuan pozitivë ishin të vaksinuar plotësisht (me të dy dozat e vaksinës).
Kjo do të thotë që incidenca 14-ditore në këtë periudhë në mesin e të vaksinuarve është 2.6 raste për 100,000 banorë. Ndërsa tek ata që nuk janë vaksinuar, ajo është 216 në 100 mijë banorë ose rreth 80 herë më e lartë.
Sipas RTS, të dhëna të tilla nuk janë të disponueshme në shkallë vendi sepse BAG nuk i grumbullon ato.
Statusi i vaksinimit nuk regjistrohet sistematikisht në testet laboratorike, përcjell albinfo.ch. Numri prej 300 infeksionesh të njoftuara kohët e fundit nga BAG në mesin e njerëzve të vaksinuar që nga fillimi i vitit, i cili bazohet ekskluzivisht në raportet klinike, del kështu shumë i nënvlerësuar.
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter