Lajme
Amazon u ofron punonjësve të vet deri në 500,000 dollarë për t`u vaksinuar
Në lojë do të hidhen dy çmime 500,000 dollarëshe dhe gjashtë të tjera nga 100,000 dollarë si dhe një numër veturash dhe udhëtimesh turistike
Shitësi online me pakicë Amazon po përpiqet të bindë 1.3 milion punonjësit e tij në të gjithë botën për t`u vaksinuar kundër koronës. Për këtë qëllim, gjiganti online ka nisur një lotari vaksinimi, me shpërblime që arrijnë deri në gjysmë milioni dollarë, hkruan “Bloomberg”.
Janë gjithsej 18 çmime. Në lojë do të hidhen dy çmime 500,000 dollarëshe dhe gjashtë të tjera nga 100,000 dollarë, transmeton albinfo.ch. Por, krahas tyre, në këtë lotari ofrohen për t`u fituar gjithashtu edhe pesë vetura dhe pesë udhëtime turistike.
Para së gjithash, në lojë mund të marrin pjesë punonjës nga qendrat logjistike, magazina dhe shërbimi i shpërndarjes.
Secili që punon në zinxhirin e supermarketeve Whole Foods ose në një qendër të të dhënave Amazon mund të marrë pjesë në këtë short, thuhet më tuthe. Por, për të marrë pjesë, punonjësit duhet të ofrojnë dëshmi të vaksinimit.
Deri më tani, shpërblimi për vaksinim ka qenë 80 dollarë
Deri më tani, kompania Amazon u ka ofruar punonjësve të saj 80 dollarë për t`u vaksinuar. Për shkak se varianti me shkallë më të lartë infeksioni, Delta po përhapet në SHBA, shitësi online ka prezantuar strategjinë e vaksinimit “Max Your Vax” ( përfitoni më shumë nga vaksinimi juaj).
“Ne besojmë se vaksinimi është mënyra më e mirë për të mbrojtur punonjësit tanë nga koronavirusi,” është shprehur për Bloomberg një zëdhënëse, përcjell albinfo.ch. Në të njëjtën kohë, kompania përsëri, duke filluar nga e hëna ka vënë detyrimin për maska në ambiente të mbyllura. Kjo vlen për punonjësit e vaksinuar dhe të pavaksinuar.
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter