562 raste të reja me COVID-19 dhe 2 viktima në Kosovë

Në 24 orët e fundit në Kosovë janë regjistruar dy viktima nga COVID-19.

Gjatë kësaj kohe janë regjistruar edhe 562 raste të reja të infektuara me këtë virus.

Kështu është bërë e ditur nga Ministria e Shëndetësisë.

Gjatë 24 orëve të fundit janë shëruar 78 persona nga ky virus.

Deri tani, numri i të infektuarve me koronavirus në Kosovë ka shkuar në 110 mijë e 194. Numri i viktimave ka shkuar në 2 mijë e 271.

 

Njoftimi i plotë i Ministrisë së Shëndetësisë:

#Bashkë ia dalim 10 gusht 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 17.085 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 504.817 doza të vaksinës.

Deri më sot 170.852qytetarë janë vaksinuar me dozën e dytë.

Nga 5.272 testime, 562 qytetarë kanë rezultuar pozitiv me virusin COVID-19.

Gjatë 24 orëve të fundit, janë shënuar 2 raste të vdekjes.

Sot janë shëruar 78 qytetarë, derisa numri i përgjithshëm i të shëruarve është 105.843.

Në total numri i rasteve aktive është 2.640.

---