Kosova aprovon vaksinimin anti-Covid të fëmijëve mbi 12 vjeç

Vendimi përfshin vaksinimin e personave mbi 16 vjeç me vaksinën Pfizer dhe vaksinimin e grup moshës 12-15 vjeç me prioritet dhe sipas indikacioneve shëndetësore

Kosova i ka dhënë dritë të gjelbër vaksinimit anti-Covid të fëmijëve mbi 12 vjeç, raportin Albinfo.ch.

Lajmin e ka bërë të ditur ministria e Shëndetësisë e cila njofton se ministri Arben Vitia, ka aprovuar rekomandimin e dhënë nga trupa profesionale kompetente-Komiteti për imunizim kundër COVID-19, për plotësimin e Planit Shtetëror të Vaksinimit kundër COVID-19.

“Duke marrë parasysh që vaksina Pfizer BioN/Tech është aprovuar nga FDA dhe EMA për vaksinimin e moshave mbi 12 vjeç, plotësimi i planit përfshin: Vaksinimin e personave mbi 16 vjeç me vaksinën Pfizer dhe vaksinimin e grup moshës 12-15 vjeç me prioritet dhe sipas indikacioneve shëndetësore”, thuhet në njoftimin e Ministrisë.

Sipas këtij plotësimi, në njoftim oo ashtu theksohet se do të vaksinohen edhe fëmijët mbi 12-vjeç me prioritet dhe sipas indikacioneve shëndetësore me vaksinën Pfizer.

 

---