Lajme
47 mijë refugjatë, brenda 6 muajve në Gjermani
Mësohet se në gjysmën e parë të vitit, Gjermania pranoi 47.400 refugjatë. Kjo rezulton nga një pyetje që partia E Majta i drejtoi Qeverisë gjermane. Në të njëjtën kohë, më shumë se 11.000 vetë u larguan ose u dëbuan, përcjell albinfo.ch.
Gjermania pranoi 47.400 refugjatë në gjysmën e parë të këtij viti. Nga ana tjetër, 7360 persona u dëbuan dhe 4374 u larguan vullnetarisht, sepse kërkesa e tyre për azil ishte refuzuar, shkruan DW.
Kjo rezulton në një përgjigje të Qeverisë gjermane ndaj një pyetjeje të grupit parlamentar të partisë E Majta në Bundestag, të cilën e kanë parë gazetat e Grupit Mediatik Funke.
Marrëveshja e koalicionit qeveritar midis CDU, CSU dhe SPD parashikon një “korridor për imigrimin vjetor në Gjermani prej 180.000 deri në 220.000 njerëz”. Po të llogaritet kjo shifër nga përgjigjja e Qeverisë federale për të gjithë vitin 2021, do të priten rreth 95,000 refugjatë.
Partia E Majta dëshiron të pranojë më shumë refugjatë
Kjo është shumë më pak nga sa u tha në marrëveshjen e koalicionit, tha Ulla Jelpke, zëdhënëse e politikës së brendshme për grupin parlamentar të partisë E Majta në Bundestag. “Duke pasur parasysh numrin e shtuar të refugjatëve në gjithë botën, ky është një lajm i turpshëm, sepse si një vend i pasur, Gjermania kështu nuk po e përmbush përgjegjësinë e saj për të mbrojtur refugjatët”, tha Jelpke.
Edhe nëse Gjermania do të pranonte 50,000 njerëz veçanërisht të rrezikzar nga Afganistani, kufiri i sipërm i vënë “arbitrarisht” nga ministri i Brendshëm gjerman, Horst Seehofer, nuk do të arrihej, u shpreh partia E Majta.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit