8 Shtatori-Dita e Pavarësisë së Republikës së Maqedonisë

(AP Photo/Boris Grdanoski)

Republika e Maqedonisë së Veriut sot shënon 30-vjetorin e pavarësisë së saj nga ish-Federata jugosllave, përmes një referendumi popullor, i cili e shpalli shtetin të pavarur dhe sovran.

Ky referendum atëkohë u bojkotua nga shqiptarët në Maqedoni, të cilët kërkuan statusin e autonomisë dhe nuk ishin të kënaqur me pozitën e arritur në Kushtetutën e re. Sipas vlerësimeve shtetërore të asaj kohe, mbi 95 për qind të qytetarëve që dolën në referendumin e 8 shtatorit të vitit 1991, iu përgjigjën pozitivisht pyetjes së referendumit “A jeni për Maqedoni të pavarur me të drejtë të hyjë në fuqi në aleancën e ardhshme të shteteve sovrane të Jugosllavisë”.

Për shkak të manifestimeve me rastin e Ditës së Pavarësisë, sot duke filluar nga ora 11:00 në pjesën qendrore të Shkupit do të ketë regjim të posaçëm të komunikacionit rrugor, transmeton albinfo.ch.

8 Shtatori (e mërkurë) – Dita e Pavarësisë së Maqedonisë së Veriut, është ditë jopune për të gjithë qytetarët.

Kështu ka njoftuar Ministria për Punë dhe Politikë Sociale, prej ku ua urojnë qytetarëve Ditën e Pavarësisë.