Lajme
Shteti që nuk ka më kufizime për pandeminë, i rikthehet jetës normale

Raportohet se tani Suedia ka nën kontroll situatën me pandeminë ndaj edhe nga 29 shtatori do të fillojë të heqë gjitha kûfizimet për ta kthyer jetën e përditshme në normalitet.
Suedia vazhdon të reagojë ndryshe nga bota kur bëhet fjalë për pandeminë e koronavirusit të ri, tashmë më e rrèzikshme prej variantit Delta, transmeton albinfo.ch.
Së fundmi, edhe ministrat suedezë njoftuan se në fund të shtatorit vendi nuk do të ketë masa kûfizuese antîcovid prej situatës së përmirësuar.
Nuk do të ketë më pengesa për hyrjet në restorante, teatro apo stadiume, dhe do të hiqet rekomandimi për zhvillimin e punës nga shtëpia.
“Shoqëria jonë gjendet në një pozicion të ri, më të mirë. Po hedhim hapin drejt kthimit te jeta e përditshme normale dhe çlirimit të shoqërisë nga kufîzimet,” tha ministrja suedeze e Shëndetësisë dhe Çështjeve Sociale.
Vitin e kaluar Suedia provoi ta mbrojë popullatën e vet nga Covidi nëpërmjet parimit të imunizimit të tufës, duke i besuar ndërgjegjes së qytetarëve për t’u mbrojtur nga njëri-tjetri.
Ndërkohë këtë vit ka ecur me hapa të shpejtë procesi i vaksinimit dhe gati 70 për qind e suedezëve mbi 16 vjeç janë të imunizuar.
“Njerëzit e vaksinuar mundet në parim të jetojnë normalisht pas 29 shtatorit. Të pavaksinuarit vazhdojnë të jenë të
rrèzikuar nga sëmûndja dhe kjo ka për të qenë shqètësuese kur jeta e përditshme të kthehet në normalitet,” lajmëroi kreu i Agjencisë së Shëndetit Publik.
Suedia aktualisht përdor certifikatën dixhitale të BE-së për udhëtimet por nuk aplikon rregulla të veçanta për të vaksinuarit dhe të pavaksinuarit si shumë vende të tjera europiane.
Norma e infèktimit në Suedi në dy javët e fundit ka qenë rreth 130 ràste për 100 mijë banorë ndërsa mbi 14 mijë suedezë kanë mbetur vîktima të kovidit-19 prej fillimit të pandemisë./Albinfo.ch
E-Diaspora
-
Gjeneva dhe Brukseli do të marshojnë së bashku për drejtësi më 30 gusht Ky mobilizim lindi nga iniciativa e grave migrante shqiptare në Evropë, për të denoncuar pandëshkueshmërinë...
-
Kupa e Zvicrës: A do të shkruajë histori FC Dardania Lausanne kundër Servette?
-
QKUK pajiset për herë të parë me aparatura për ngrohjen e gjakut falë komunitetit shqiptar në Cyrih
-
Dy orë pritje në dalje të pikës Mërdarë
-
Gjenevë: Homazhe dhe një Marsh për Drejtësi, në Ditën e të Zhdukurve
Jeta në Zvicër
-
Zvicra ofron 4 milionë franga për Sudanin Zvicra ka ofruar 4 milionë CHF për të ndihmuar Sudanin, i cili është prekur rëndë nga...
-
Shtylla e dytë e pensionit: Vetëm pak njerëz bëjnë një tërheqje të madhe kapitali
-
Ku është vendi më i sigurt për të mbajtur sendet e mia me vlerë në Zvicër?
-
Thika e xhepit mbetet në Zvicër
-
Zvicra kundërshton vendbanimet e reja izraelite në territorin palestinez