FC Albania Zürich të martën synon kualifikimin për kupën e Zvicrës

Sezoni i ri 2021/22 ka nisur suksesshëm për klubin e futbollit FC Albania Zürich, për vetëm 4 ndeshje shënoi 20 gola

Nën drejtimin e trajnerit Samir Idrizi, ky klub shqiptar ka zhvilluar katër ndeshje zyrtare, tri në kampionatin e Ligës së 4-t rajonale të Zvicrës dhe një në kupën e kantonit të Zurichut.

20 gola ka shënuar FC Albania Zurich për vetëm 4 ndeshje, derisa ka pranuar vetëm 4 gola.

Fillimisht këtë seri të shkëlqyeshme e nisi për kupë (Schweizer Cup) kur mposhti  FC Büsingen me rezultat 1-0, skuadër që garon një Ligë më lartë. Ndërsa, më pas në hapje të sezonit të ri e deklasoi FC Dielsdorf me rezultat 4-1 (golashënues: Sadiki 2 gola), Tangkou (1) dhe (Durmishi 1), pastaj SC Italia Zh. si mysafire 2:10 dhe SV Seebach ZH. në teren të vet me rezultat 5-1 (golashënues: Autogol, Patriot Rexhaj, Erdin Krasnica, Durim Lumani dhe Hafiz Frangi).

Kjo ecuri dhe formë fantastike e FC Albania Zurich pritet të vazhdojë edhe ditën e martë (ora 20:15 minuta), kur në kuadrin e raundit të dytë të kupës rajonale (Kantoni i Zurichut) do të takohet me një kundërshtarë të fortë të Ligës së tretë, FC Wädenswil. Duke e parë peshën e ndeshjes, këta të fundit në faqen e tyre zyrtare të klubit i kanë dhënë mjaftë publicitet takimit në fjalë që luhet në fushën e tyre.

FC Albania Zurich me fitore eventuale ndaj FC Wädenswil do të kualifikohej në mesin e 32 skuadrave më të mira të kupës së Zvicrës, e që do ishte një sukses historik për klubin. Neve nuk na mbetet tjetër vetëm t’u urojmë shumë fat në ndeshje.

 

---