Lajme

Qeveria shpenzon 100 milionë CHF për fushatën e re të vaksinave

E premte, 15 Tetor 2021 - 10:00 albinfo.ch

EPA/NARONG SANGNAK

Qeveria do të shpenzojë gati 100 milionë CHF në një fushatë për t’i bindur njerëzit për t’u vaksinuar.

Paratë do të shpenzohen për qendrat e informacionit celular, këshillimin, fushatat e mediave sociale dhe një shërbim udhëzues telefonik, shkruajnë mediat zvicerane, përcjell albinfo.ch.

Zvicra ka një nga nivelet më të ulëta të vaksinimit në Evropë, por për shkak të popullsisë së saj relativisht të vogël, do të duhen vetëm një milion njerëz të vaksinuar për ta ngritur atë drejt mesatares.

Rritja e shkallës së vaksinimit është mënyra e vetme për të siguruar që sistemi shëndetësor të mos mbingarkohet këtë dimër.