Zvicër: 1240 raste të reja me koronavirus dhe dy vdekje

113 pacientë me Covid-19 janë aktualisht në kujdes intensiv. Kjo është 24 për qind më pak në krahasim me javën e kaluar

Zyra Federale e Shëndetit Publik ka raportuar  1240 raste të reja që kishin rezultuar pozitive pas testimit për koronavirus në 24 orët e fundit.

Mesatarja 7-ditore është pra 913 ose e njëjtë me javën e kaluar. Incidenca 14-ditore është aktualisht 142.85, shkruan srf.ch.

BAG raporton 21 shtrime të reja në spitale, trasnmeton albinfo.ch. Mesatarja 14-ditore është 16 shtrime në ditë. Kjo është 19 për qind më pak në krahasim me javën e kaluar.

381 persona aktualisht janë duke u trajtuar në spitale për Covid-19 që është 10 për qind më pak se në javën e kaluar.

113 pacientë me Covid-19 janë aktualisht në kujdes intensiv. Kjo është 24 për qind më pak në krahasim me javën e kaluar.

Shtretërit e kujdesit intensiv në spitalet zvicerane (përfshirë shtretërit ad-hoc) aktualisht janë  të zënë në shkallkën prej 68 për qind; përcjell albinfo.ch. 13 përqind e shtretërve të kujdesit intensiv janë zënë nga të sëmurët me Covid 19.

BAG raporton 2 raste të reja të vdekjes. Mesatarja 7-ditore është 4 të vdekur. Kjo është 4 për qind më pak se në javën e kaluar.

---