Europa dhe Azia Qendrore, edhe një herë epiqendra e pandemisë Covid-19

(KEYSTONE/Jean-Christophe Bott)

Europa dhe Azia Qendrore janë edhe një herë epiqendra e pandemisë së Covid-19, me rreth 500 mijë vdekje të tjera që pritet të shënohen deri më 1 shkurt.

Paralajmërimi i zymtë vjen nga drejtori i OBSH-së për Europën, Hans Kluge. Rastet e reja u rritën 55 për qind gjatë 4 javëve të fundit, sipas Kluge, për shkak të nivelit të ulët të vaksinimit dhe mungesës së masave mbrojtëse. 59 për qind e infektimeve globale dhe 48 për qind e vdekjeve të raportuara janë pikërisht nga Europa dhe Azia Qendrore.

“Niveli aktual i transmetimit në 53 vende europiane është tejet shqetësues dhe rastet e reja po arrijnë nivele rekord të nxitura edhe nga varianti më i transmetueshëm i virusit, Delta. Duhet të ndryshojmë taktikat tona; nga reagimi ndaj shpërthimit të rasteve, te parandalimi i tyre”, tha Hans Kluge.