Landi i Bavarisë shtrëngon masat anti-Covid

Një test i shpejtë i antigjenit nuk është më i mjaftueshëm.

Masa më të rrepta kundër koronavirusit hynë në fuqi sot në shtetin e madh jugor gjerman të Bavarisë, pasi infeksionet dhe numri i shtretërve të kujdesit intensiv po rriten.

Vetëm ata që janë vaksinuar, ata që janë shëruar dhe personat me një test negativ PCR do të kenë tani akses në hapësirat publike, si restorantet, transmeton Dpa, përcjell Albinfo.ch.

Tani kërkohet edhe maska FFP2 në shumicën e vendeve.

Në rajonet ku numri i infeksioneve të reja dhe pacientëve të kujdesit intensiv është veçanërisht i lartë, zbatohen rregulla edhe më të rrepta.

Duke parë vetëm shifrat mesatare të infeksioneve, Bavaria është shteti i tretë më i prekur pas Saksonisë dhe Turingisë dhe numrat po rriten me shpejtësi.

Instituti Robert Koch (RKI) për kontrollin e sëmundjeve dha shkallën e incidencës shtatëditore mbarëkombëtare, që ishte 183,7 për 100 000 banorë.

 

---