Raundi i dytë i zgjedhjeve lokale, hapet zyrtarisht procesi i votimit

EPA/VALDRIN XHEMAJ

Tashmë është hapur zyrtarisht procesi i votimit në 21 komunat e vendit.

Nga ora 07:00 deri në ora 19:00, qytetarët e Kosovës me të drejtë vote, do të kenë mundësi për të votuar për të zgjedhur kryetarëte ri të tyre.

Të drejtë vote në këtë raund të dytë kanë 1 milion e 260 mijë e 571 qytetarë, këta votues të drejtën e tyre mund ta ushtrojnë në 575 qendra të votimit me gjithsej 1,638 mijë vendvotime.

Qytetet në të cilat do të votohet janë Gjakova, Drenasi, Gjilani, Dragashi, Istogu, Kaçaniku, Klina, Fushë Kosova, Kamenica, Obiliqi, Rahoveci, Podujeva, Prishtina, Prizreni, Shtimja, Vitia, Vushtrria, Malisheva, Juniku, Mamusha dhe Kllokoti, ndërsa në raundin e parë janë zgjedhur kryetarët e 17 komunave.