21-vjeçari shqiptar nga diaspora sjell 3 projekte inovative

Luka Lamaj studion për Biokimi në Universitetin Bishop

Luka Lamaj studion për Biokimi në Universitetin Bishop në Kanada, transmeton albinfo.ch.

Thuhet se i riu shqiptar po arrin suksesin me projektet e tij, si Docere App, Cool Historians dhe Lavel NFT.

Projekti i tij kryesor “Docere”, ku është edhe bashkëthemelues dhe CEO, është një startup teknologjik në fushën e mjekësisë.

Një platformë komunikimi mes mjekëve dhe pacientëve, ku ekzaminimet mjekësore bëhen online, shkruan businessmag.

Me këtë startup ai ka fituar çmimin e tretë nga 200 kompani nga e gjithë Kanadaja, që aplikuan në një konkurs të zhvilluar nga organizata qeveritare kanadeze CCSBE (Këshilli Kanadez për Biznesin e Vogël dhe Sipërmarrjen), në bashkëpunim me Universitetin e New Brunswick. /Albinfo.ch

---