Landet gjermane vendosin rregullore për të ndaluar përhapjen e COVID-19

Gjermania po përballet me një valë të katërt të rasteve, me shkallë rekord të infeksioneve dhe nivele në rritje të shtrimeve në spitale.

Disa lande në Gjermani kanë prezantuar rregulla më të ashpra për të parandaluar rritjen e shpejtë të numrit të rasteve të COVID-19.

Rregulla të reja hyjnë në landin lindor të Saksonisë dhe në atë verior të Schleswig-Holstein, ku numri i rasteve është veçanërisht i lartë, raporton Dpa, transmeton Albinfo.ch.

Në Saksoni, të gjitha objektet kulturore dhe të kohës së lirë, baret, klubet dhe diskotekat janë mbyllur, megjithatë, dyqanet që ofrojnë nevojat bazë të përditshme nuk përballen me asnjë kufizim.

Të pavaksinuarit në Saksoni ende përballen me kufizime të mëtejshme dhe nuk do të lejohen të dalin pa një arsye të vlefshme midis orëve 22:00 dhe 06:00, pasi shkalla javore e incidencës së infeksioneve të reja në rrethin e tyre është më e lartë se 1 000 për 100 000 banorë.

Ndërkohë, në shtetin jugperëndimor të Baden-Wuerttemberg, ata që nuk janë vaksinuar mund të largohen nga shtëpitë e tyre vetëm ndërmjet orës 21:00 dhe 05:00 në tri rrethe.

Në veri të Schleswig-Holstein, vetëm ata që janë vaksinuar ose që janë shëruar nga një infeksion mund të marrin pjesë në ngjarje rekreative në ambiente të mbyllura.

 

---