Lajme
Vidhen dokumente me të dhëna të vaksinës kundër COVID-19 në Pfizer
Pfizer ka ngritur padi kundër një punonjëse të tyre, me pretendimin se ka vjedhur “numër të madh” të dokumenteve të besueshme, përfshirë edhe ato lidhur me vaksinën kundër koronavirusit.
Në padinë e deponuar të martën në gjykatën e San Diegos, Pfizer ka bërë të ditur se bëhet fjalë për punonjësen Chun Xiao Li, e cila ka shkelur marrëveshjen e “besueshmërisë”, duke nxjerrë mbi 12.000 dokumente nga datoteka pa pasur miratim dhe duke i futur ato në kompjuterin personal (lap-top).
“Për shkak të numrit të madh të dokumenteve që zonja Li kundërligjshëm i ka marrë, Pfizer duhet të japë leje për një gjë të tillë kur bëhet fjalë për dokumente konfidenciale”, thuhet në kumtesën e kompanisë amerikane.
Materialet e vjedhura përfshijnë “doracakun” nga 24 shtatori, që përmban vlerësime të brendshme dhe rekomandime për vaksinën kundër coronavirusit nga Pfizer dhe BioNtech, si dhe për marrëdhëniet me partnerin gjerman për vaksinë, e për lidhjet me antitrupat sa i përket sëmundjes së kancerit.
Nga kompania Pfizer është thënë që Li që ishte asistente e drejtorit për statistikë, në shumë raste ka tentuar të mbulojë gjurmët e asaj çfarë kishte bërë. Gjithashtu thuhet se e akuzuara ka refuzuar të përgjigjet sesi kishte arritur t’i marrë dokumentet dhe pse e kishte bërë një gjë të tillë – duke mos harruar edhe çështjen që sipas tyre po i brengos shumë – ku gjenden ato dokumente tani?
Li ka punuar për kompaninë amerikane për 15 vjet, por që së fundmi kishte marrë një ofertë për punë nga kompania Xencor Inc, me seli në Kaliforni që për fokus ka shërimin e sëmundjes së kancerit.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mungesa e psikoterapistëve i lë fëmijët zviceranë në krizë Në vitin 2023, 42,000 të rinj në Zvicër thirrën shërbimin e linjës së ndihmës 147...
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?
-
Arnold “The Cobra” Gjergjaj triumfon në luftën e fundit
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025