Test dhe karantinë për të gjithë që hyjnë në Britani: edhe për të vaksinuarit

8. London Heathrow Airport (LHR)

Në rrethanate reja, pas paraqitjes së variantit të sapo zbuluar Omikron, Britania e Madhe po shtrëngon rregullat e hyrjes për udhëtarët nga e gjithë bota.

Kështu, të gjithë të ardhurit duhet të bëjnë testin PCR në ditën e dytë pas hyrjes  në vend dhe të kalojnë në karantinë derisa të marrin rezultatin negativ të testit, ka thënë të shtunën kryeministri britanik Boris Johnson, shkruan sda.ch.

Kjo vlen pavarësisht nga statusi i vaksinimit dhe duhet të rishqyrtohet sërish, pas tri javësh.

Deri më tani, personat e vaksinuar plotësisht nga shumica e vendeve duhej të bënin vetëm një test të shpejtë pas hyrjes në vend, por nuk duhej të kalonin pastaj në karantinë, transmeton albinfo.ch. Vetëm disa vende, ndërkohë edhe shumë shtete afrikane, janë në të ashtuquajturën listë të kuqe. Të kthyerit nga këto vende duhej edhe deri më tani të futeshin në karantinë hoteli dhjetëditor me shpenzimet e tyre.

Pas disa vendeve të tjera, edhe në Britaninë e Madhe janë gjetur dy raste të variantit Omikron, të shtunën. Njerëzit e prekur dhe familjet e tyre janë në karantinë dhe testet do të intensifikohen në zonat e prekura, ka thënë ministri britanik i Shëndetësisë, Sajid Javid.