Lajme
Filloi dhjetori, muaji më festiv i vitit

Muaji i fundit i vitit ka filluar sot, dhe ndoshta është ide e mirë të flasim për disa fakte të këtij muaji, se pse është muaj festiv dhe që e duan të gjithë, transmeton albinfo.ch.
Dhjetori është muaji i reflektimit të një viti që po lëmë pas. Ju mund të analizoni gabimet apo arritjet dhe të vendosni synimet e vitit që po vjen. Pa një plan, asgjë nuk arrihet. Ndërsa kemi hyrë në këtë muaj, shijojeni sa më shumë gëzimin e tij.
Krishtlindjet, Viti i Ri përfshin familjet apo këdo në mendime se si duhen kaluar sa më mirë. Pema e Krishtlindjeve është një tjetër gëzim i këtij muaji. Zbukurimi i saj është një ngjarje e bukur jo vetëm për fëmijët. Dhuratat janë një tjetër element që e bën dhjetorin një muaj të veçantë. Të zgjedhësh një dhuratë për njeriun e zemrës, nuk është e lehtë. Ju duhet të mendoheni gjatë. Dyqanet janë plot me zgjedhje, por sërish këto nuk janë zgjedhje të lehta.
Fakte
– Muaji dhjetor ka marrë emrin nga fjala latine “decem” që ka kuptimin 10, pasi që dhjetori ishte muaji i 10-të në kalendarin e lashtë romak.
– Dhjetori është muaji ku shumica e propozimeve për martesë pranohen. Shumica e këtyre propozimeve bëhen një javë para Krishtlindjeve.
– I vetmi film me fjalën “Dhjetor” në titull që ka fituar çmimin Oskar ishte ‘December 7th’, dokumentar i vitit 1943 rreth Pearl Harbor-it, dhe me regji nga John Ford.
– Dhjetori është muaji më i zënë për tërheqje të parave cash nga bankomatët në Mbretërinë e Bashkuar. Rreth 11 miliardë funte tërhiqen vetëm gjatë këtij muaji.
– Një parashikim kalendarik thotë se nëse bie borë në ditën e Krishtlindjeve, dita e Pashkëve do të jetë e ngrohtë, e gjelbër dhe me plot diell!
-Shën Nikollasi, i cili më vonë do të njihej botërisht si Babadimri, fillimisht kishte qenë shenjtor mbrojtës i fëmijëve, hajdutëve dhe fajdexhinjve!
– Pema e parë artificiale e Krishtlindjeve (bredhi) ishte ndërtuar në Gjermani.
– Dekorimet e zakonshme të bredhit kanë domethënie specifike religjioze. Qirinjtë, dritën e botës; ndërsa Ylli në maje është rikujtues i natës së parë të Krishtlindjeve.
– Kënga e famshme “Jingle Bells” ishte kompozuar në vitin 1857, dhe jo për Krishtlindje – ajo ishte krijuar si këngë e Ditës së Falënderimeve.
– Një legjendë e lashtë thotë se kafshët e pyllit mund të flasin gjuhën e njerëzve në natën para Krishtlindjeve.
E-Diaspora
-
Vëllai dhe motra e boksierit Besar Nimani, në gjyq për hakmarrje Vëllai i tyre u vra me 16 të shtëna në qendër të Bielefeldit - muaj më...
-
MPJD dënon arrestimin arbitrar të shtetasit kosovar në Serbi
-
Kurti mirëpret diasporën: Kosova është me fat që ju ka
-
U godit nga rryma elektrike në Itali, humb jetën punëtori 21 vjeçar nga Kosova
-
Fiona Kabashi diplomon në Universitetin Mjekësor të Vjenës
Jeta në Zvicër
-
Pavarësisht ndalimit për personat nën 18 vjeç, paketat me nikotinë po përhapen në Zvicër. Në një dyqan në Basel, çdo ditë adoleshentët përpiqen të blejnë produkte me nikotinë përmes gojës....
-
Ushtria zvicerane nuk arrin të përmbushë afatet për reduktimin e zhurmës në poligonet e qitjes
-
Defekt teknik: Evakuohet treni në tunelin e Gotthard-it
-
SHBA kërcënon Zvicrën me tarifa deri në 250% për produktet farmaceutike
-
Emision në SRF mbi rrugën e Kosovës drejt Pavarësisë dhe rolin e Zvicrës