Lajme
Diaspora jonë, urë e fortë e marrëdhënieve Kosovë- Austri
Mesazhi im për 2022 -tën është: Të angazhohemi më tepër të gjithë në avancimin e tërheqjes së investimeve në Kosovë, afirmimin e produkteve kosovare në Austri si dhe forcimin e urave kulturore mes dy vendeve tona, Kosovë dhe Austri.
Pa dyshim që në rrugën tonë drejt Bashkimit Evropian, Austria mbetet një ndër partnerët më të fortë dhe të besueshëm që ka Kosova. Njohja e menjëhershme e Kosovës, pas shpalljes së Pavarësisë nga Austria dhe mbështetja e vazhdueshme, bën që kjo lidhje historike të vazhdojë dhe sot. Kjo mbështetet jo vetëm në shkëmbimet diplomatike, por tregon edhe afërsinë dhe miqësinë mes popujve.
Marrëdhëniet diplomatike janë raporte mes popujve apo edhe raporte personale. Si asnjëherë më parë, qytetarët tanë janë integruar mirë në shoqërinë austriake, por edhe në mbarë Evropën. Angazhimi dhe integrimi i shkëlqyeshëm i tyre në jetën e përditshme bën që marrëdhëniet mes vendeve tona të jenë edhe më të thella dhe që Kosova të jetë më afër në rrethet ku ata veprojnë.
Me gjithë pamundësinë e lëvizjes së lirë, mosliberalizimin e vizave të qytetarëve tanë drejt Bashkimit Evropian, mundësitë që ofron diaspora jonë në mbështetje ekonomike dhe sociale bëjnë që Kosova dhe qytetarët tanë të jenë më afër kësaj zone ekonomike. Zhvillimi i hovshëm i potencialeve ekonomike të Kosovës është i vështirë pa angazhimin e diasporës tonë, andaj qëndrueshmëria dhe angazhimi tutje mbetet si një prioritet në avancimin e vendit përpara.
Me gjithë kohën e vështirë gjatë pandemisë, remitencat dhe angazhimi i diasporës tonë për Kosovën kanë qenë përtej çdo parashikimi, andaj edhe për 2022 mesazhi është: Të angazhohemi më tepër të gjithë në avancimin e tërheqjes së investimeve në Kosovë, afirmimin e produkteve kosovare në Austri si dhe forcimin e urave kulturore mes dy vendeve tona, Kosovë dhe Austri.
Ambasada e Republikës së Kosovës në Vjenë, me gjithë kapacitetet e saj, do të jetë në shërbim të kësaj kauze dhe qytetarëve të saj.
Më lejoni që për fund t`i uroj gjithë popullit austriak dhe bashkatdhetarëve tanë në Austri festat e fundvitit, shëndet dhe mbarësi për vitin 2022!
Gëzuar!
E-Diaspora
-
Kanada: Tenori me famë botërore, Ramë Lahaj, sjell “Traviata” e Xhuzepe Verdit Artdashësit shqiptarë do të kenë rastin të shohin nga afër interpretimin e tenorit shqiptar me famë...
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore