Gjermani: Vriten me armë babai dhe dy fëmijët, gruaja u plagos rëndë

Policia tregoi se të katër personat janë nga e njëjta familje

Policia gjermane ka gjetur trupat e pajetë të një burri 44 vjeç dhe dy fëmijëve, 11 dhe 13 vjeç, në një shtëpi në një qytet afër Hamburgut, në Gjermani.

Sipas mediave të huaja, policia tha se po i trajton vdekjet si një rast të dyshuar për vrasje. Në të tre trupat janë gjetur plagë me armë zjarri.

Një grua, e cila ishte plagosur rëndë nga të shtënat me armë, është gjetur gjithashtu nga policia. Policia tregoi se të katër personat janë nga e njëjta familje, transmeton albinfo.ch.

Prokuroria nuk ka dashur të thotë se kush ka qëlluar me armë zjarri dhe nëse 44-vjeçari ishte babai biologjik i fëmijëve.

---