Lajme
Kapet nga ‘Google Maps’ bosi i mafies italiane, pas 20 vitesh në kërkim
Një bos i mafies italiane, i cili ishte shpallur në kërkim prej 20 vitesh është arrestuar në Spanjë pasi imazhi i tij u shfaq në Google Street View.
Gioacchino Gammino, i dënuar për vrasje dhe një nga gangsterët më të kërkuar, u kap në Galapagar, një qytezë afër Madridit, ku ishte martuar dhe kishte nisur një jetë të re me emrin Manuel.
Ai punonte si kuzhinier dhe kishte blerë dhe një dyqan ku shiste fruta-perime.
Policia siciliane kishte zhvilluar disa hetime në kërkim të Gammino, 61 vjeç dhe një urdhër arresti ishte lëshuar që prej vitit 2014.
Gjurmët e tij u zbuluan në Spanjë, por ishte Google Street View që ndihmoi në zbulimin e vendndodhjes precize të tij.
Aplikacioni i Google kishte kapur imazhin e dy burrave duke biseduar para një dyqani.
Policia zbuloi se dyqani dhe restoranti ishin të mbyllur por një foto e Gammino i veshur si kuzhinier ishte ende në faqen e Facebook të restorantit “La Cocina”.
Arrestimi i tij ishte kryer më 17 dhjetor, por detajet janë zbuluar nga gazeta “La Repubblica” vetëm këtë të mërkurë.
Vetë mafiozi ishte kapur në befasi se si kishin arritur ta gjenin pasi kishte 10 vite që nuk i telefononte as familjes.
Gammino ka qenë pjesë e klanit Agrigento në Sicili, grup mafioz në konflikt me Cosa Nostra.
Ai u arrestua fillimisht në vitin 1984 nga hetimet e gjyqtarit anti-mafie, Giovanni Falcone, i vrarë me shpërthim me bombë në 1992.
I kërkuar për vrasje, Gammino u arrestuar për herë të dytë në Barcelonë në 1998.
I dënuar me burgim të përjetshëm në burgun Rebibbia në Romë, Gammino arriti të arratisej në 2002 gjatë xhirimit të një filmi në burg./Euronews
Të ngjashme
Të tjera nga Lajme
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë